زمستونه93 الشتر
طنز چهل سرو معمولاً اول هر بیت اشعار قدیمی مردم لك ومصراع دوم بصورت طنز تهیه شده اثر عبدالکریم نجم الدینی از خرم آباد لرستان بهمن ماه 1380 شمسی
ونوم خدای رحمان ورحیم قری شعر بوشم مه عود الکریم
اِ شو نشینی دنگ شو نشینی هچایه مکه اِ نجـــم الدینی
اِ ضرب المثل ،اِچیکه چیکه بنیش اَرتکم شوگاری طی که
سنت قدیم فال چهل سرو نه اتقاد بکه نه هم بوش دُرو
گنم گرمسیر،گرمی گرمسیر دُنیل تزبیتُن قایم کــن اِژیر
ننی نیشته بی ننی نمیـره کُره چات اِژه دی چنی بیره
چترکت تیپ تیپ دُراَرسر شونه یَه صف بــرنجَه یا صف نونه
یا علی هنای دادرس بیکسون بازار هرج ومرج نموریمن گیون
امشو دیم اَر خوا وخوا ودرو نیه اجناس بازار کُل گرون بیـه
علی برسون دوس دیرینم پنیر کوپنی گرد چای شیرینم
دا اَر دُم سه تیرنیا اَر اَبونه آویلی کَت اَر دُم هروَ کَچونه
قلون نقره پیچ تماکو بو خو مه نِمکیشــم مارک وِژت بو
خدا بینت ده دو گُل ژَ وهار اسب وزین نیه نوم ژن مَرِه نار
شهامَد شکرت رسیمه مطلو کَلن تا گُجر هایمنه هلـک دو
كريل صو باره مينگه مون كووهَ كرانشين نوي كُل جاي خووَه
كور گن گن بو بووَ هماري مردم اِ دس هوز سيگاري
هرصو وَ سحر بنگ خروسان حليمت كه سَن بچو بسين نان
تو كُرد و من كرد هردو كرديمن آشفته بازار هردو مرديمن
خدا بسيني حقم ژ دايت ارا نيشتي هر بووم وَتايت
سيل كُن اَمُنگه چني چنيكه برقو قطع كرده هونه گنيكه
گرمي گرمسير هيچ نما وخلاص خو بينه رئيس هرملاس ملاس
ميمي تو پيري دَمت قپيايه ميردت اِ صف كوپن كشيايه
دوريش نورالي ريش كل وريش زرد رفيقي نكي وَ گرد نامرد
داود برسون رزق قلونم هرچن اِ دويه ماو قاتل گيونم
هر كه باي بوشه دوسَكَت رسي برق اِ دواره چي بار چراغ دسي
اريمه زا مي تا گه بزونم وكولر گازي بادت بشونم
دوسه درنچي اِ ژير دينم آو قم روهَت كَت اِ مابينم
نني نميري گوشت شكارم اِكاش زرنگ بوم سيو خاكي بارم
گنم گرمسير هرتلي جاي بوشنه دوسكم بي پويلا ناي
گرمي گرمسير هيچ نما وخلاص صد داد اِ چنگ مردم بي كلاس
يه بادي ماي ژ اِ جانمَه شكر خدا هر تنمو سالمه
اَر ميمه زا مي ارديري دوسم وِ گرونيه مال كس نموسم
دَم قَن دنوقَن لو وباره وَه هزاران ليسانس بيكاره وَه
لحاف قلمكار بالش پَر قو اِ گيرم نماي نالي ابري نو
نني نيشته بي وَ برج قلا هر اِ توم ري اَو گرتيمنه بلا
خدا نكريو هيچ جات بكه درد نه پويل دكتر هه نه اَر مردي برد
كليل كوره دا وچار شاخه وَ مردم مالو ساخت اِ جا باغه وَ
بره تيله دت دا اِ نوم شُمم هر لاي كه مچم هرمان ودُمم
كلمي كُشتي هشت پا ونُه غم امروز نيرن بچنه فكر صُه
خوشحال اَر اَرجن چوبر همساسِه هلك نمه اره يه نون ماسِه
دَسَكم بگِر بنارم دويره وبينمو آومِن موشِن يه شيره
كراسكت چيت هرگُلي رنگي دُشمه نميلي تا نكه جنگي
اردوس بزوني مِن حالم چوينه ارينمه ماره كاسه ترخينه
خداخدام بي خداي كل عالم يه وام كم بهره بكه وطالم
هماري خاوَه گُله وارونَه ليسانس بيكاره كه محتاج نونَه
ژ كَلوَس كَفتِم پلياي وَخوينم مستضعفيكم نِمان وَشُوينم
فداي بالاكَت چي تيل چمياينه چه حرف حقتي وِت هونه كُشياينه
رهكه كرماشو فرش بكم قالي حقو حُرديمنه هر اِطور زالي
كردمه سر گرين كور دياره شانس گرون فروش فره بياره
كِزَه برفَلي رهيل كرده بَن نه نو هه بيرم نه چاي نه قَن
وَبابابزرگ وَپاره پوينه مَس كارمن نويام بويام لوينه
اَكُر نگ ماله حسويرانِمَه قبض آو و برق قاتل گيانمه
ويادته ماي وَپادارَكه اِ بي پولي مِرد اَ بيمارَكه
چتركت تيپ تيپ قاوُ جياكه كس كارتون نيري وِ ژت حياكه
ژَ قصر هتمه ليمو بارمَه اَره جوُنيل كُل بيكارمه
ميمي تو پيري دَمت قپيايه آمريكا دواره پتي سزيايه
گَنم گرمسير هر تلي جاي وَجرج بوش بوشن، اَرمرده باي
خدا خدام بي اِ مال بينه در گُله وارو كي جرج بوش پسر
نني نميره گوشت شكارم جرج بوش نامرد باوت درارم
سوزه سوزم بي سوزه هزاره بوش دبليو هيچ عقل ناره
آو اِاَفتاوه چاي مال روس بوش بي فرهنگ سرجاوژت بوس
بچ كموتري بيم ري شاخه انجير خراو كاري بوش من هم كرده پير
دمادم ميزنه قمچي وِتازي كه بوش دنَكنَه گردن فرازي
دوس دروزن دُم درولَكِن توهم اِ طور بوش تهمت نين اَرمِن
يه نني نومي ها اِ گل ايرو وقته امريكايش هم بو ويرو
چِم اَر سر گرين گري بِكَم سيل وَرچيم جُرج بوش تيركي زيل
يه تنيا كلي سر ايراوردي سر جرج بوش ديتي حُق اُراوردي
گله گوشت تويشك ويه گپي نون بوژنه وَر جرج بوش تا لال بوته زون
دوسكم دِ مورموري خُم دِ كلاتَه هيچ دوني جرج بوش نفهم اَحمق وِلاتَه
خدا خدام بي بارون باوارو هرچَن كه نيريم كُت وكلاو نو
خدا خدام بي اي مال بين اِ دَر تووَ جي ال ايكس مه وسوار خر
سوزه سوزم بي سوزه هزاره هر مال چن نفر اژه بيكارَه
دوس دروزن دُم درو لَكِن دوري دوزون وكُت رئيس تَكِن
چم اَر سَر گرين گري بكم سيل كَتن اِ ويرم قرتيل و واميل
يه تنيا كلي سر اِيراوردي جسَه مِه ديتي بُنگ اُر اوردي
گِله گوشت تويشك سيخ ِ نرمَه وَن گيون گرتيمنسِه هَر وَخَنه خَن
دِته پيچكله زلف گِره مِره اَرماچ بينه كَس برات مَمِره
دار گردله پَل پَل مرواري آخ اِ چنگ معتاد وسيگاري
اليمي حُرده نوم دمِم حالَه جنگ غريو بهتر اِ جنگ بِن ماله
وَبابابزرگ پير دلفونه رمز رياست منت كيشونه
شرط بو ژَ داغت هرگز نَخنم دردت وكول رفيقل گَنم
رهكه كرماشو خاك توزَه مَكِه حقوق بشرها موزَه مَكه
وَ باو از ينه ها اِ گريرَه رئيسيل خائن هان اِ شريرَه
دوس دروزن قُل وقُل كَته دِ وَ گَردِ كي مِه بِكي چَتَه
خدات وَبه دِه دنيات وَدل بو شِيرچي دهات كم آو وگل بو
يا علي هناي يه دريا نيله شور گروني آهن وقيلَه
مُنگ شعله داته وسر كُلاوان برنج ومرغ وگوشته ملاوان
چار خالِت كُفته وَچوار كنج لو دور بازاره مي تا دوازه شو
دمكت بار بن ونوم دَمِم اما تك چَكو نكي اِ لَمِم
اَر دوس مني بو وبالوشم امّا وگزه نگري گوشم
تو خُت گليكي گُل اَره چَتَه برنج هم نيه كه بكيم كَتَه
ياران كي ديه دِت وگاياري پيايل ژَن وزور مَچِن وخواري
چِل گو چِل نيم گو چِل كريمخوني مانتو يه قُلاچ هت وَ پشت زوني
كليل كورو دا وَچارشاخه وَه كو او موبيه وَنون داغه وَه
وَ بلنگي كور وژم كِردِ گِل نماي گيرم كار مَنمَسه وِل
دوتا شمومه نيم رسم ديَه هر چي حقوق بين هَم بَسم نيَه
رهكه كرماشو بكم وكُنجي بَد مَه ژِنته ماي فره سيمِنجي
كور گِن گِن بو آوت چي تويرگ منافق گنتر اِ كفر واِشرك
دوس اول خاص اِ سيه ميل سردم حرفو دروه دو بيشتر مردم
اِ هواره ماي يه كراس واقِ لَو وناخن سِ موي سر دوفاقِ
بِرِ سواريل دان اَر اَ پارچه نِمَم اصغري خُمار يا شارجَه
كوك دوري بال ژريژ وَسينه تو ريخه ميري منيش ترخينه
كموتر كُركُرنوكم اَر نوكِت كي خَوَر ديري اِ جك وبُكِتمصراع
خدا ته به ده دو مال وره ور یکه شوله موگ یکه لیسک هور
Khodata bede do mal verevar yake shole mog yake liske howar
شعله موگ کیشی و سر کولاوان تمرز یه لیل مچو و باوان
Shole mong kishi va sar kolawan tomarz ya leyla macho va bawan
خداته بده دنیات دل بو پرچنت میخک همرازت گل بو
Khodata bede donyata del bo parchenet mikhak homrazet gol bo
دمکت قنه لوکت چینی رنگکت زرد چوی قلو سینی
Damakat Ghana loakat chini rangakat zarda choy gholve sini
دم قن دنو قن و خاصی لچ چوی شمومه شاه عباسی
Dam ghan deno ghan ve khasiya lech choy shamoma shah abasiya
کراسمه کردیه ا توک پیاز جنس همدو خیاط ا اهواز
Kerasme kerdea e toke piyaz jense hamado kheyate ahvaz
چل گو چل نیم گو چل کریم خانی نقره رژ کنه تا سر زانی
Chel goo chel nim goo chel karim khani
noghra rez kane ta sare zani
دسکوله چرمی پر مره پر خال دنو چوی صدف نازارو شمشال
Daskola charmi perr merra perr khal deno choy sadaf nazaro shemshal
تنیا داره بیم کینی و لام بی گل گل نازارو و ژیر سام بی
Tanya dare bim keyani va lam bi gal gal nazaro va zire sam bi
یا همسات بیام یا ورونت یا گل بیام و قه سرونت
Ya homsat biyam ya varevanet ya gole biyam va ghe sarvanet
فدای بالات بام چوی تویل چمیاینه چوی لیسک وهار تازه دمیاینه
Faday balat bam choy towil chamyayna choy liske vehar taza damyayna
ار بوینه ماهی بچینه دریا تورچی مارم مهمت پیا
Ar boina mahi bechine darya torchii marem mahamet peya
چترکت تیپ تیپت ا لا ده مال و مال بگیرد یارت پیا که
Chatrakat tipa tippet e la da mal va mal begird yaret peya ka
ره کرماشو هره چلپاوه زین براکم تازه رکاوه
Raka kermasho harre chelpawa zena berakam taza rekawa
ره خرماوه بکارم کنجی اره براکم دنو برنجی
هر صو و سحر بانک خروسان شره تلمیت بار تازه عروسان
Har so va sahar banke khorosan shore talmit bar taza arosan
سماور ورشوچای مال روس خوم بومه ساقی بیمه دس دوس
Samawar varsho chaei male roos khom boma saghi beyama dase doos
وه موگه قسم لوره لورسه کرّ ارّه دته چمل کورسه
Ve moga ghasam lora lorase korr arre dete chamal korase
وه موگه قسم چیه ژیر اورا دت خافل نهن کرّ هایته دورا
Ve monga ghasam cheya zer ora det khafel nahan korr hayteye dowra
سوزه بالا برز چیم نمایته و ووار کته ا جیرم کردیسه وداوار
Soza bala barz chyam nemayteya war kote e jeyarem kerdeyasea dawar
ا وارره مای و سوگه بازی شق داوه سرون کلهر شیرازی
E warera may va soga bazi shagh daee sarvan kalhoor shirazi
دتل بیمه در دنگه سازه مای رمه اورسی بازی وازه مای
Detal beyme dar dange saze may rema oresi bazi waze may
ا کله کرا سره آورده تفنگچی وره شانست آورده
E kela kera sere awerde tofang chi vere shanset awerde
فدای بالات بام چوی هرازگانی چوی مار دمی آیم گزانی
Feday balat bam choy herazgani choy mare demi ayem gazani
ار دوس بزانه مه حالم چوینه نه زلفه میله نه خال و سینه
Ar doos bezane me halem choina na zolfa meyle na khal va sena
دسمال و دست بیلتا دوتا بو یکه اوریشم یکه کتان بو
Dasmal va daset bilta dota boo yake oreshem yake katan boo
بور تا بکیمو دوسیمو اژ نو تو دار ملهو مه و سایه تو
Bor ta bekeymo doosimo az no to dare malho me va saye to
نومجا خیابو بکنن قورم گل گل نازارو جم کن و دورم
Nomja kheyabo bekanen ghorem gall gall nazaro jam kan va dorem
وه موگه قسم میته بنیشه دلسوزه نرم نازم بکیشه
Ve moga ghasam meyte benishe delsoze nerem nazam bekishe
برّه بیوه ژن داونر نوم شومم مر خدا رم که ارّ بنه تومم
Berre biva zan dawnar nom shomem marr khoda rahm ke ar bena tomem
ا کمر کتم اشکیایه پشتم بو هلو میخک رازیونه کوشتم
E kamar katem eshkeyaya peshtam boo hell o mikhak razyona koshtem
ا گل کرا ار توک ا شیشه دسم برد گرتم کنیا و ریشه
A gola kera ar toka shisha dasem berd gertem kanya va risha
خانم نمره گوشت شکارم زحمت بکیشم اره کی بارم
Khanem nemere goshte shekarem zahmat bekishem are ke barem
یّ گل یّ بلبل یّ ساقه چمن یّ تو یّ شیرین یِّ شیّر ارمن
Ya gol ya belbel ya saghe chaman ya to ya shirin ya shayare arman
کموتر چوین نوکم ار نوکت شو خواو نمکم ا کرکه کرکت
Kamotar choein nokem ar noket sho khaw nemakam e korka korket
کراسمه کردیه سرتا پا لاله نه کل نه کوتاه نه زمین ماله
Kerasme kerdeya sartapa lalah na kol na kotah na zamin mala
کراسکم درّیا چنه خروشه علی برسن پارچه فروشه
Kerasakam derrya chena khoroshe ali berasen parcha feroshe
هرکه بای بوشه براکت رسی مزگانا میمه جفته اورسی
Harke bay boshe berakat rasi mezgana meyame jefte oresi
یا علی هنای یّ رود نیل مسلمو و دس کافر ذلیل
Ya ali henay ya rode nila mosalmo va das kafer zalila
و بلگی گنم و نزمی گیا کشکو مال بووت ایلاتر بیا
Va belegi ganem va nezmi giya koshgo mal bawat eilater beya
کاودار بار کرده مه تنیا منم کلکه ورونه بی و مسکنم
Kawdar bar kerde me Tanya manem kalka verone bi va maskanem
خداته به ده دو گل اژ وهار اول اسب زین دوم ژن مال
Khodata bede do gol az vehar aval asbe zin dowem zane mal
خدا خدام بی خدعالم شکره دلم ساکت بی ژپه ژاره شو
Khoda khodam bi khodalam shokre delem saket bi zhape zhare sho
می می تو پیری دمت قوپیایه سرداری مخمل ار تو بیجایه
Mimi to piri damet ghopeyaya sardari makhmal ar to bijaya
خوشحال و کرّه دره دسگیرو کلاو کج مکه و مال هسویرو
Khoshhal va korre dere dasgiro kelaw kaj make va mal hasoiro
اگر میلکت فراموشم بو سفیدی کفن بالاپوشم بو
Agar meylakat feramoshem bo sefidi kafan bala poshem bo
